ကုမ္ပဏီအမည်ပျက်စာရင်း

မင်းရွှေလွှာသတ္တုတူးဖော်ရေးနှင့် စက်မှုလက်မှုလုပ်ငန်းကုမ္ပဏီ (လက်ရှိမင်းရွှေလွှာ ကျောက်မျက် ကုမ္ပဏီအဖြစ်မှတ်ပုံတင်ထား)သည် လက်ရှိမန္တလေးတွင်အခြေစိုက်ပြီး မြန်မာစစ်တပ်၏ လက်နက်ထုတ်လုပ်ရေး ဌာနခွဲ၊ ကာကွယ်ရေး စက်မှုလုပ်ငန်း ညွှန်ကြားရေးမှူးရုံးများနှင့် အနီးကပ် လက်တွဲလုပ်ကိုင်လျက်ရှိသည်။

ကုမ္ပဏီ၏ မန်နေဂျင်းဒါရိုက်တာမှာ ယခင် ဦးသိန်းစိန်အစိုးရလက်ထက်က ကာကွယ်ရေးဝန်ကြီးဟောင်း ဗိုလ်ချုပ်လှမင်းဖြစ်သည်။လှမင်းသည် ကာကွယ်ရေးဝန်ကြီးအဖြစ် တာဝန်ထမ်းဆောင်ဆဲကာလတွင် မင်းရွှေလွှာကုမ္ပဏီတွင်ရာထူးရယူခဲ့ခြင်း ဖြစ်သည်။

အဆိုပါကုမ္ပဏီသည်ရှမ်းပြည်နယ်မြောက်ပိုင်း  နမ္မဒေသ နားနန်းဧရိယာတွင် အကြီးစား ကျောက်မီးသွေး တူးဖော်ခြင်း လုပ်ငန်းကို ကာကွယ်ရေး စက်မှုလုပ်ငန်း ညွှန်ကြားမှု ဦးစီးဌာနမှ ချပေးထားသည့် ဧရိယာ ၅၄၉ ဧက အကျယ်အဝန်းတွင် ၂၅ နှစ်ကြာ လုပ်ကိုင်လျက်ရှိသည်။