ကုမ္ပဏီအမည်ပျက်စာရင်း

Hydrochina ကုမ္ပဏီသည် ၂၀၀၂ ခုနစ်တွင်စတင်တည်ထောင်ခဲ့သော တရုတ်အစိုးရပိုင် အင်ဂျင်နီယာကုမ္ပဏီတစ်ခုဖြစ်ပြီး ရေအားလျှပ်စစ်၊လေအားလျှပ်စစ်နှင့် ဆိုလာစွမ်းအင် စီမံကိန်းများကို တရုတ်နှင့်နိုင်ငံတကာတို့တွင် လုပ်ကိုင်လျက်ရှိသည်။၂၀၁၁ ခုနစ်တွင် ၄င်းသည် Power Construction Corporation of China (Powerchina) ကုမ္ပဏီလက်အောက်ကိုရောက်ရှိခဲ့သည်။

၂၀၀၉ ခုနစ် ဒုတိယသမ္မတ ရှီကျင်းဖျင့်က နေပြည်တော်ကိုလာရောက်လည်ပတ်သည့်အခါ Hydrochina သည်မြန်မာစစ်အစိုးရ၏ လျှပ်စစ်စွမ်းအင်၀န်ကြီးဌာနနှင့် သံလွင်မြစ်ပေါ်ရှိနောင်ဖာ ရေကာတာစီမံကိန်းနှင့် ၄င်း၏မြစ်လက်တက်နမ့်မားမြစ်ပေါ်ရှိ မန်တုံရေကာတာစီမံကိန်းတည် ဆောက်ရန် နားလည်မှုစာချွန်လွှာကို လက်မှတ်ရေးထိုးခဲ့သည်။